2018-imi isertitat 4,5 pct.-innik qaffapput

Innuttaasut 14-it sinnerlugit ukiullit isertitat tamarmiusut 2018-imi agguaqatigiissillugu 2017-imut sanilliullugu 11.000 kr.-inik amerlisimalllutik, procentinngorlugu 4,5-imik qaffassimallutik.

 

2018-imi isertitat immikkoortortaqarfimmi Qeqertarsuarmi qaffannerpaajusimapput, 2017-imut sanilliullugu innuttaasut 22.000 kr.-inik agguaqatigiissillugu isertitaqarnerusimagamik, procentinngorlugu 10,7-iulluni. Nuup immikkoortortaqarfiani isertitat annerpaajupput, tassani 2018-imi isertitat tamarmiusut 337.000 kr.-iusimapput 4,4 pct.-imik qaffassimallutik.

 

2018-imi immikkoortortaqarfimmi ataatsimi, Kangaatsiami isertitat tamarmiusut agguaqatigiissinnerini ikilipput. Kangaatsiami innuttaasut agguaqatigiissillugu 1,9 pct.-imik isertitaat appariarsimapput.

 

Takussutissiaq 1. 2016-imiit-2018-imut isertitat tamarmiusut agguaqatigiissinneri

	2016	2017	2018 *		Allannguut 2017-2018
	1.000 kr.			Pct.
Nuna tamakkerlugu	240	245	256	4,5
Nanortalik....................	160	167	173	3,9
Qaqortoq.....................	216	225	232	3,3
Narsaq.......................	182	191	199	4,1
Paamiut......................	177	185	194	4,9
Nuuk.........................	312	323	337	4,4
Maniitsoq.....................	220	218	223	2,7
Sisimiut......................	250	253	266	5,4
Kangaatsiaq...................	153	154	151	-1,9
Aasiaat.......................	193	192	203	5,9
Qasigiannguit..................	202	206	212	2,8
Ilulissat.......................	238	236	245	3,6
Qeqertarsuaq..................	206	203	224	10,7
Uummannaq..................	214	209	214	2,0
Upernavik.....................	173	165	178	7,7
Qaanaaq.....................	137	148	158	6,7
Tasiilaq.......................	162	170	182	7,0
Ittoqqortoormiit................	180	174	188	8,3

 

Malugiuk: 2018-imi kisitsisit kisitsisaagallarput.Nunanut allanut utoqqalinersiassanut akiliinermi akileraartalernerup kinguneranik 2016-imiit 2017-imut nikerartoqarpoq.  Najoqqutaq: Kisitsisaataasivik. http://bank.stat.gl/INNP2

 

Oqaluttuarisaanermi 2018-imi akit qaffanneri aatsaat taamak appasitsigaat, takuuk titartagaq 2.2. 2017-imiit 2018-imut atuisunut akit taamaallaat 0,23 pct.-imik qaffassimapput. Isertitanut tamarmiusunut sanilliullugu atuisunut akit qaffannerat annikippoq. Tamanna pissutaalluni isertitat pisissutaasinnaasut 2018-imi 4,2 pct.-imik qaffapput. 

 

Ukiut 15-it kingulliit ingerlaneranni inuit isertitaat tamarmiusut 55,7 pct.-imik qaffassimapput. Piffissap taassuma iluani atuisunut akit 32,3 pct.-imik qaffassimapput. 2003-miit nalinginnaasumik atuisumut inuuniarnermut akiliutigineqartartut isertitat tamarmiusunit affai sinnilaaginnarlugit qaffassimapput. Taamaasilluni isertitat pisissutaasinnaasut 2003-mut sanilliullugit 17,7 pct.-imik qaffassimapput.

 

Titartagaq 1. 2003-miit 2018-imut isertitat pisissutaasinnaasut aamma atuisunut akit ineriartorsimanerat

 

Malugiuk: 2018-imut kisitsisit kisitsisaagallarput.. Titartakkami isertitat pisissutaasinnaasut isertitat tamarmiusut tunngavigalugit naatsorsugaapput. Atuisunut akiusut Nuna tamakkerlugu naatsorsuutini suliarineqarsimasut tunngavigalugit naatsorsugaapput. Najoqqutaq: Kisitsisaataasivik. http://bank.stat.gl/INDP92 aamma Nuna tamakkerlugu naatsorsuutini akinut naleqqersuut.

 

Innuttaasut isertitaanut paasissutissat itinerusut Naatsorsueqqissaartarfiup maanna saqqummersitaani ”2018-imi isertitat”-ni atuarneqarsinnaapput. Inuit isertitaat, inoqutigiit isertitaat, isertitanit akileraarutit aamma isertitat agguarneri saqqummersitami takuneqarsinnaapput. Isertitanut paasissutissat nammineerluni nalunaarsuiffimmit pissarsiarineqarsimasut saqqummersitamut tunngavigineqarput. Sulinermi akissarsiat kisiisa pinnagit - Isertitat nalunaarutigineqarsimasut tamarmik paasissutissanut ilanngunneqarput. Taamaammat paasissutissat akissarsianut paasissutissanut paarlaanneqassanngillat.

 

Saqqummersitaq ”2018-imi isertitat”Naatsorsueqqissaartarfiup nittartagaanut www.stat.gl-imut pdf filinngorlugu aaneqarsinnaavoq. Naatsorsueqqissaartarfiup kisitsisaataasivianut bank.stat.gl-imut aamma kisitsisinik sukumiisunik aallertoqarsinnaavoq.

 

Paasisaqarnerorusuttut uunga saaffiginnissinnaapput: Naatsorsueqqissaartarfiup pisortaa Anders Blaabjerg oqarasuaat 34 57 81 (toqqaannartoq).